चट्याङ लागेर दुई जनाको मृत्यु, एक घाइतेको अस्पतालमा उपचार हुदै

चट्याङ लागेर बागलुङमा दुई जनाको मृत्यु भएको छ ।

ढोरपाटन नगरपालिका–५ पाखापानीका चित्रबहादुर विकको घरमा शनिवार राति ९ बजे चट्याङ पर्दा उनको छ वर्षीय दिनेश विक र नौ वर्षीया छोरी सुनिता विकको मृत्यु भएको हो ।

चट्याङ लागेर चित्रबहादुरकी श्रीमती यमकुमारी विक घाइते भएको प्रहरीले जानकारी दिएको छ ।

चट्याङले घर नजिकै बाँधेको एक भैँसी समेत मरेको छ । घाइते यमकुमारीलाई उद्धार गरी अस्पताल पठाइएको छ ।