आयल निगमका पूर्वकार्यकारी निर्देशक खड्का दोषी ठहर

नेपाल आयल निगमका पूर्वकार्यकारी निर्देशक गोपालबहादुर खड्का भ्रष्टाचार मुद्दामा दोषी ठहर भएका छन् ।

शुक्रबार विशेष अदालतका न्यायाधिशहरू श्रीकान्त पौडेल, खुसीप्रसाद थारू र शालिग्राम कोइरालाको इजलासले खड्कालाई गैरकानूनी रूपमा सम्पत्ति आर्जन गरेको भन्दै दोषी ठहर गरेको हो।

योसँगै उनलाई बिगोबमोजिमको ९ करोड ३३ लाख २५ हजार ३१४ रुपैयाँ बराबरको जरिवाना र एक वर्ष तीन महिना कैद सजायको फैसला तोकिएको छ।