सातौं स्थानको लागि भइरहेको खेलमा नेपालले आयरल्याण्डलाई दियो २६९ रनको लक्ष्य

जिम्बाब्वेमा जारी विश्वकप छनोट अन्तर्गत सातौं स्थानको लागि भइरहेको खेलमा नेपालले आयरल्याण्डलाई २६९ रनको लक्ष्य दिएको छ ।

खेलमा नेपालले टस हारेर पहिले ब्याटिङ गर्दै निर्धारित ५० ओभरमा ९ विकेटको क्षतिमा २६८ रन बनाएको हो ।

नेपालका लागि गुलशन झाले सर्वाधिक ५७ रन बनाए । अर्जुन साउदले ४८, कुशल मल्लले ४४, सन्दीप लामिछानेले ३२, कप्तान रोहित पौडेलले २९, भीम सार्कीले २० रन बनाए ।

आयरल्याण्डका लागि मार्क अडेर, बेरी म्याकार्थी र क्राइग योंगले समान २–२ विकेट लिए । यस्तै कर्टिस क्याम्फेर, ग्यारेथ डेलानी र एण्डी म्याकब्रिनले समान १–१ विकेट लिए ।

नेपाल विश्वकपमा प्रवेश गर्ने दौडबाट बाहिरिइसकेको भए पनि यो खेल नेपालका लागि धेरै महत्वपूर्ण छ ।एकदिवसीय मान्यता पाएयता टेस्ट राष्ट्रसँग एकदिवसीय क्रिकेट खेल्ने निकै कम अवसर पाएको छ ।