होटलमा मौलाउदै यौन धन्दा : एकै पटक पक्राउ परे होटल ब्यासायी सहित ८ जना

अबैधरुपमा यौन व्यवसायमा संलग्न होटल ब्यवसायीसहित ८ जनालाइ प्रहरीले पक्राउ गरेको छ ।

कैलालीको चिसापानीमा तीन होटल सञ्चालकले यौनकर्मी महिला राखेर यौन व्यवसाय चलाइरहेको सूचना पाएपछि प्रहरीले तीन होटल संचालक र पाँच जना पहिलालाइ पक्राउ गरेको हो ।

यौनधन्दा गराउने कार्यमा संलग्न भएको आरोपमा पक्राउ पर्नेहरुमा न्यू वर्षा होटेल सञ्चालक टोपबहादुर खड्का, अछाम होटलका सञ्चालक केशव शाही, भेरी पञ्चकोशी होटलका सञ्चालक भीम शाही रहेका छ ।

त्यसैगरी उनीहरुको होटलमा यौन व्यवसायमा संलग्न भएको आरोपमा प्रहरीले पाँच महिलालाई समेत नियन्त्रणमा लिइएको इलाका प्रहरी कार्यालय लम्कीले जानकारी दिएको छ ।

सोमबार पनि प्रहरीले लम्कीबाट २ जना नाबालिगलाई पक्राउ गरेको थियो ।

उनीहरूलाई यौन व्यवसायमा संलग्न गराएको आरोपमा पक्रउ परेका होटल सञ्चालक महेशप्रसाद जैशीलाई प्रहरीले मानव बेचबिखन तथा ओसारपसारको मुद्दा चलाइएको छ ।