कास्कीको रुपामा बसको ठक्करबाट विकको मृत्यु, एक गम्भिर घाईते

कास्कीको रुपा गाउँपालिकास्थित पोल्याङमा बसले मोटरसाइकललाई ठक्कर दिँदा एक जनाको मृत्यु भएको छ।

सोमबार विहान पोखराबाट लमजुङको बेशींसहरतर्फ जाँदै गरेको ग १ ख ८६७६ नम्बरको बसले विपरित दिशाबाट आउँदै गरेको ग १५ प ८४८३ नम्बरको मोटरसाइकललाई ठक्कर दिँदा मोटर साइकल चालकको मृत्यु भएको र एक जना घाइते भएको प्रहरीले जनाएको छ ।

बसको ठक्करबाट लमजुङको मध्यनेपाल गाउँपालिका ६ भोर्लेटार घर भएका मोटरसाइकल चालक २३ वर्षीय विवेक विकको पोखरा स्वास्थ्य विज्ञान प्रतिष्ठानमा उपचारको क्रममा मृत्यु भएको जिल्ला ट्राफिक कार्यालय कास्कीका सई एवं सूचना अधिकारी शिव पाठकले जानकारी दिए ।

दुर्घटनामा गम्भिर घाईते भएका मोटरसाइकलमा सवार जितेन्द्र विकको पोखरा स्वास्थ्य विज्ञान प्रतिष्ठानमा उपचार भईरहेको छ ।

बसको ठक्करबाट मृत्यु भएका विवेक र घाईते भएका जितेन्द्र भाई दाजुभाई रहेको प्रहरीले जनाएको छ ।

दुर्घटना पछि प्रहरीले बस चालक विशाल गुरुङलाई नियन्त्रणमा लिएर आबस्यक अनुसन्धान गरिरहेको जनाएको छ ।