पोखरा बसपार्क क्षेत्रको सडक छेउमा पार्किङ बन्द

जिल्ला सुरक्षा समिति कास्कीको निर्णयमा पृथ्वीचोकदेखी चाइनापुल सम्म सडकको दायाँबायाँ हुँदै आएको पार्किङ हटाइएको छ ।

सडक छेउमा हुने पार्किङका कारण सवारीको आवागमनमा असहजता सहित दुर्घटनाको समेत जोखिम बढेपछि महानगरपालिकाले त्यस क्षेत्रको अनधिकृत पार्किङ हटाइएको हो ।

पोखरा बसपार्क बनाउन २०३२ सालमा पोखरा नगर उपत्यका विकास समितिले २०५ रोपनी जग्गा अधिग्रहण गरेको थियो ।

तर, अधिग्रहण गरिएको लामो समयसम्म काम नहुँदा अहिले अतिक्रमण हुँदै बसपार्ककको जग्गा ४० रोपनीमा खुम्चिएको छ ।

पृथ्वीचोकबाट छुट्ने छोटो तथा लामो लामो दुरीका बसहरु बसपार्कबाट नै छुट्ने छुटाउने व्यस्थापनका लागि महानगरपालिकाले व्यवसायीहरुसँग समन्वय गरिरहेको छ ।

त्यस स्थानको पार्किङ हटाउनका लागि यस अघि नै महानगरले सूचना समेत जारी गरेको थियो ।

आईतबार पोखरा महानगरपालिका, ट्राफिक प्रहरी, स्थानीय र व्यवसायीहरु समेतको सहयोगमा सो कार्य गरिएको हो ।