जिप दुर्घटना हुँदा चालकसहित ९ जना घाइते

लमजुङमा जिप दुर्घटना हुँदा ९ जना घाइते भएका छन।

राइनास नगरपालिका-८ कटहरबारीको घुम्ती जोगीडाँडामा यात्रुवाहक जिप दुर्घटना हुँदा चालकसहित ९ जना घाइते भएको प्रहरीले जनाएको छ ।

राइनास -१० प्यारजुङबाट सुन्दरबजारको भोटेओडार आउँदै गरेको ग १ ज ६३६९ नम्बरको यात्रुबाहक जिप दुर्घटना भएको हो ।

घाइतेमध्ये चालक सुन्दरबजार नगरपालिका-८, बगैंचाका अन्दाजी ३० वर्षीय पुरन गुरुङको लमजुङमा उपचार हुन नसकी चितवन लगिएको छ ।

अन्य ८ जनाको अवस्था समान्य रहेको र उनीहरुको सुन्दरबजार नगरपालिका-९, सिउँडीबारस्थित भोटेओडार हस्पिटलमा उपचार भइरहेको प्रहरीले जनाएको छ ।

जिपमा करिब २० देखि २५ जना यात्रु रहेको बताइएको छ ।