डिजेलको भाउ एकै पटक ह्वात्तै बढ्यो

नेपाल आयल निगमले डिजेल तथा मट्टीतेलको भाउ एकै पटक १४ रुपैयाँ बढाएको छ ।

भारतबाट मूल्य बढेर आएसँगै मंगलबार बसेको निगम सञ्चालक समितिको बैठकले आज मध्यरातिदेखि लागू हुनेगरी एकै पटकमा १४ रुपैयाँ वृद्धि गर्ने निर्णय गरेको हो ।

यससँगै डिजेल तथा मट्टीतेलको भाउ प्रतिलिटर काठमाडौँमा १६७ रुपैयाँ पुगेको छ । भारतले मूल्य सूची पठाउँदा प्रतिलिटर ११ रुपैयाँ २५ पैसा बढेर आएको थियो ।