दावासँगको कनेक्सन देखिएपछि अध्यागमनका महानिर्देशक मन्त्रालय तानिए

अध्यागमन विभागका महानिर्देशक झलकमान अधिकारीलाई गृहमन्त्रालयले छानबिनका लागि तानेको छ ।

सुन तस्करीमा जोडिएका दावासँगको सम्बन्धको विषय बाहिर आएपछि अधिकारीलाई मन्त्रालयको अतिरिक्त समूहमा ल्याइएको मन्त्रालयले जनाएको छ ।

दावासँगको सम्बन्ध र सुन तस्करीमा उनको संलग्नताबारे अब उनीमाथि जगेडामा राखेर छानबिन हुने बताइएको छ ।

महानिर्देशक अधिकारी र सुन तस्करीको आरोपमा पक्राउ परेका दावा छिरिङबीच ‘वी च्याट’मा कुराकानी भएका ‘स्क्रिन शट’ समेत मिडियामा आएका थिए ।

नारायणकाजी श्रेष्ठले गृह मन्त्रालय सम्हाल्नुअघि नै उनी अध्यागमनको महानिर्देशक थिए ।