रवि लामिछानेलाई खोया प्रहार गर्ने युवकलाई १० दिन थुनामा

राष्ट्रिय स्वतन्त्र पार्टी (रास्वपा) का सभापति रवि लामिछानेलाई मकैको खोया प्रहार गर्ने सन्तोष रानाभाटलाई थप १० दिन थुनामा राखेर अनुसन्धान गर्न जिल्ला प्रशासन कार्यालय कास्कीले अनुमति दिएको छ ।

रानाभाटलाई प्रशासनले सार्वजनिक स्थलमा अभद्र व्यवहारसम्बन्धी मुद्दामा थप १० दिन थुनामा राखेर अनुसन्धान गर्न अनुमति दिएको हो ।

शनिबार पोखरा अंमरसिंह चौरमा चलिरहेको रास्वपाको आम सभामा बोल्दै गरेको सभापति रवि लामिछानेलाई लमजुङका रानाभाटले खोया प्रहार गरेका थिए ।