पोखरामा कारको ठक्करले दिँदा २ जना पैदल यात्रुको मृत्यु

पोखरामा कारले ठक्कर दिँदा २ जनाको मृत्यु भएको छ ।

गएराति करिब १ बजेतिर पोखराको प्रस्याङमा कारको ठक्करबाट दुई जना पैदलयात्रीको मृत्यु भएको हो ।

बागलुङ बसपार्कबाट जिरो किलोमिटरतर्फ जाँदै गरेको बा १३ च ३७२१ नम्बरको कारले प्रस्याङ सिद्धार्थ बैंक अगाडि ठक्कर दिंदा पोखरा –३ नदीपुर बस्ने ढालेन्द्र छन्त्याल र अर्का एक पुरुषको मृत्यु भएको हो ।

उनीहरुलाई वडा प्रहरी कार्यालय बैदामको टोलीले उद्धारगरी उपचारका लागि पश्चिम क्षेत्रीय अस्पताल पठाएकोमा डाक्टरहरुले मृत घोषणा गरेका थिए ।

कार चालक फरार रहेकाले खोजी कार्य जारी रहेको प्रहरीले जनाएको छ । कारलाई वडा प्रहरी कार्यालय बैदामले नियन्त्रणमा लिएको छ ।