बागलुङमा जीप दुर्घटना दुई जनाको मृत्यु

बागलुङमा भएको जीप दुर्घटनामा दुई जनाको मृत्यु भएको छ ।

आजबुर्तिबाङबाट ढोरपाटनगइरहेको जीप ढोरपाटन-५ अस्तुमा दुर्घटना भएको हो ।

दुर्घटनामा जिप चालक ढोरपाटन नगरपालिका-४ का ३० वर्षीय तिलक घर्तीमगर र चन्द्रागिरि नगरपालिका-११ काठमाडौंकी २८ वर्षीय सङ्गीता अधिकारीको घटनास्थलमै मृत्यु भएको प्रहरीले जनाएको छ ।

दुर्घटनामा नौ जना घाइते भएका छन् । जीपको ब्रेक फेल भएर दुर्घटना भएको प्रहरीले जनाएको छ ।