पोखरामा स्कुल बसको ठक्करबाट विद्यार्थीको मृत्यु

पोखरामा स्कुल बसको ठक्करबाट विद्यार्थीको मृत्यु भएको छ ।

शुक्रबार दिउँसो पोखरा महानगरपालिका–२४ कास्कीकोटमा ग १ क ४०८२ नम्बरको बालप्रतिभा बोर्डिङ स्कुलको बसले सोही विद्यालयको नर्सरीमा अध्ययनरत विद्यार्थी समिर कार्कीलाई ठक्कर दिँदा मृत्यु भएको हो ।

बसको ठक्करबाट गम्भिर घाइते भएका बालकको मेट्रोसिटी अस्पतालमा उपचारको क्रममा मृत्यु भएको जिल्ला प्रहरी कार्यालय कास्कीले जनाएको छ । घटनापछि प्रहरीले स्कुल बस र बस चालकलाई नियन्त्रणमा लिएको छ ।