बाँदर नियन्त्रण गर्न पोखरामा ‘मेरो रूख म काट्छु अभियान’ थालेपछि बिरोध

पोखरा महानगरपालिका-१९ ले बाँदर नियन्त्रणको लागि रुख काट्न आग्रह गरेपछि त्यसको व्यापक आलोचना भएको छ ।

पोखरा-१९ लामाचौरका वडाध्यक्ष पुष्पेन्द्र पाण्डेले सोमबार सूचना निकालेर वडावासीलाई आफ्नो घर वरपरको रुख काट्न आग्रह गरेपछि अहिले त्यसको व्यापक आलोचना भइरहेको छ ।

सो वडाले बाँदर नियन्त्रणका लागि भन्दै ‘मेरो रुख म काट्छु’ अभियान संचालन गर्ने सूचना प्रकाशन गरेको थियो । रुख काटेर बाँदर नियन्त्रण सम्भव नहुने र उल्टै बन बिनास भएर पर्यावरणीय जोखिम बृद्धि हुने भन्दै यो अभियानको विरोध पनि सुरु भएको छ ।

वडाध्यक्ष पाण्डेले जारी गरेको सूचनामा महानगरपालिका साविक लामाचौर, पुरुन्चौर क्षेत्र बाँदरबाट अति प्रभावित भएकोले पनि बाँदर नियन्त्रण लागि १० दिनभित्र ‘मेरो रुख म काट्छु’ भन्ने अभियान सञ्चालन गरी आ-आफ्नो घर वरपर रहेका सम्पूर्ण रुखहरू कटान गरी बाँदर नियन्त्रण अभियानमा सहयोग पुर्‍याउन अनुरोध गरिएको छ ।

वडाले सोमबार जारी गरेको सूचना सामाजिक सञ्जालमा भाइरल बनिरहेको छ।

वडाध्यक्ष पाण्डेले तत्कालका लागि अन्य प्राथमिक उपाय नदेखिएकोले रुख काट्ने विकल्प अपनाइएको बताए ।

पाण्डेले बाँदरले घरमा खानको लागि पकाएर राखेको भातको कसौडी नै लगिदिने रमान्छेलाई नै आक्रमण गर्न थाले पछि अन्य उपयुक्त विकल्प केही नदेखिनकाले रुख काट्न लागिएको बताएका छन ।

वडास्तरीय समितिले गरेको निर्णयका आधारमा रुख काट्न लागिएको बताए । यस्तै, सो क्षेत्रका सबै रुख काट्ने नभइ घर छेउका ठूला रुख र बाँसका झ्याङ काट्न लागिएको उनको भनाइ छ ।

सो क्षेत्रका सबै रुख काट्ने नभइ घर छेउका ठूला रुख र बाँसका झ्याङ काट्न लागिएको उनको भनाइ छ ।