पोखरामा लागूऔषध मुद्दाका फरार प्रतिवादी परियार पक्राउ

कास्की प्रहरीले लागूऔषध मुद्दामा फरार प्रतिवादी पोखरा–२० घर भई हाल दीप बस्ने २६ वर्षीय ऋतिक परियारलाई पक्राउ गरेको छ।

परियारलाई मंगलबार घरबाटै पक्राउ गरेको जिल्ला प्रहरी कार्यालय कास्कीका सूचना अधिकारी डिएसपी श्रवणकुमार विकले बताए।

जिल्ला अदालत कास्कीले असोज १५ गते उनलाई लागूऔषध मुद्दामा दोषी ठहर गर्दै एक वर्ष कैद र ५० हजार रुपैयाँ जरिवाना फैसला गरेको थियो। फैसला लगत्तै उनी फरार रहेका थिए।

उनलाई जिल्ला अदालत कास्की उपस्थित गराई सजाय भुक्तानका लागि कारागार चलान गरिएको प्रहरीले जनाएको छ।