मुख्यमन्त्री पाण्डेको राजिनामापछि नयाँ सरकार गठनका लागि आह्वान

गण्डकी प्रदेशमा मुख्यमन्त्रीबाट सुरेन्द्र राज पाण्डेले राजिनामा दिएपछि नयाँ सरकार गठनको प्रक्रिया शुरु भएको छ ।

केन्द्रमा राजनैतिक समिकरण बदलिएसंगै गण्डकीमा मुख्यमन्त्री पाण्डेले माओवादीबाट सरकारमा सहभागि भएका २ जना मन्त्रीलाइ बर्खास्त गरेका थिए ।

त्यसपछि माओवादीले सरकारलाई दिएको समर्थन फिर्ता लिएपछि अल्पमतमा परेका पाण्डेले बुधबार राजिनामा दिएका थिए । उनको राजिनामासंगै प्रदेश प्रमुख डिल्लीराज भट्टले सरकार गठन गर्न आह्वान गरेका छन् ।

मुख्यमन्त्रीबाट पाण्डेले राजीनामा दिएपछि नयाँ सरकार गठन गर्न प्रदेश प्रमुख भट्टले आह्वान गरेका हुन् ।प्रदेश प्रमुखले नयाँ सरकार गठन गर्न संविधानको धारा १ सय ६८ को उपधार २ अनुसार आह्वान गरेका हुन् ।

भट्टले संविधानको धारा १ सय ६८ को उपधारा २ अनुसार दुई वा दुई भन्दा बढी दलहरुको समर्थनमा बहुमत प्राप्त गर्न सक्ने प्रदेश सभा सदस्यलाई मिति २०८० चैत २७ गते मंगलबार दिउँसो ३ बजेभित्र मुख्यमन्त्री पदमा नियुक्ति गर्ने दाबी पेश गर्न हाह्वान गरेका हुन् ।