साहित्यकार पङ्गेनीको निधन

साहित्यकार तथा गीतकार प्रकट पङ्गेनीको निधन भएको छ ।

पङ्गेनीको मणिपाल शिक्षण अस्पतालमा उपचारको क्रममा ७० वर्षको उमेरमा मंगलबार निधन भएको हो । जण्डिस र निमोनियाका कारण स्वास्थ्यमा गम्भीर समस्या देखिएपछि उनलाई भेन्टिलेटरमा राखेर उपचार गरिएको थियो ।

पङ्गेनी कास्कीको रुपा गाउँपालिका -५ देउराली निवासी हुन् । उनका श्रीमती, एक छोरा र एक छोरी छन् ।

प्रकटका कविता, गजलका किताब प्रकाशित छन् भने ‘तगारो छेउ आएर पनि आँगनी टेकिँनौ’ जस्ता गीत चर्चित छन् ।

उनको बुधबार मध्यान्ह दाहसंस्कार गर्ने परिवार निकटले बताएका छन् ।