बाटोमा ठोक्किएको निहुँमा विवाद हुदा एक युवकको हत्या

बाटो हिँड्ने क्रममा ठोक्किएको निहुँमा साथीको जन्मदिन मनाएर फर्किएका युवाहरुसंग विवाद हुदा एक युवकको हत्या भएको खुलेको छ ।

शनिबार राति साढे ७ बजेतिर काठमाडौं बत्तिसपुलती कुमारी टोलमा बाटो हिँड्दा ठोक्किएको निहुँदामा मोरङ घर भएका २४ वर्षीय शम्भु धिमालको हत्या भएको अनुसन्धानका क्रममा खुलेको प्रहरीले जनाएको छ।

बाटो हिँड्दा ठोक्किएको निहुँदामा ४ जना किशोरसँग धिमालको विवाद भएको र त्यही विवादपछि किशोरको समूहले चक्कु प्रहार गरी हत्या गरेको पाइएको प्रहरीले जनाएको छ।

धिमालको हत्या आरोपमा चार जना पक्राउ परेका छन् । पक्राउ परेका १८ वर्षभन्दा कम उमेरका रहेकाले प्रहरीले उनीहरूको नाम, ठेगाना सार्वजनिक गरेको छैन ।