कलेज हिडेकी युवती फेवातालमा मृत भेटिइन्

शुभेच्छा न्यूज संवाददाता
पोखरा ।पोखराको फेवातालमा एक युवतीको शव भेटिएको छ । पोखरा ६ गौरीघाट स्थित फेवातालको किनारामा तैरिएर रहेको अबस्थामा एक युवतीको शव भेटिएको जिल्ला प्रहरी कार्यलयल कास्कीले जनाएको छ ।

कास्कीको अन्नपुर्ण गाँउपालिका २ ढिकुरपोखरीकी १९ बर्षीया दिव्या अधिकारीको फेवातालमा घोप्टो परेको अबस्थामा शव फेलापरेको हो। नर्सिङ कलेजमा अध्यायनरत अधिकारी आज विहानै क्याम्पस जानको लागि घरबाट हिडेकी थिइन ।बिहान फेवाताल किनारामा तैरिएको अबस्थामा उनको शव भेटिएको वडा प्रहरी कार्यालय बैदामका प्रहरी प्रमुख एवं डिएसपी कोमल शाहले बताए ।

उनको शव हाल पोखरा स्वास्थ्य बिज्ञान प्रतिष्ठानमको शव गृहमा पोष्माटमको लागि राखिएकोछ। प्रहरीले गौरीघाटमा एउटा स्कुटर बेवारिसे अवस्थामा फेला परेको र त्यस स्कुटरको चाँवी अधिकारीको साथमा फेला परेको जनाएको छ।

घटनाको बारेमा थप अनुसन्धान भइरहेको कास्कीका प्रहरी प्रमुख एसपी ओम रानाले बताए । ‘प्रहरीले आवस्यक अनुसन्धान गरिरहेकोछ,सत्यतथ्य बुझेपछि सार्वजनिक गछौं’ उनले भने।