समृद्ध नेपाल बनाउन सामुहीक लगानी ; पूर्व प्रधानमन्त्री भट्टराई

बुटवल । पूर्व प्रधानमन्त्री तथा नया शक्ति पार्टीका संयोजक डाक्टर बाबुराम भट्टराईले समृद्ध देश बनाउन पूजी संकलन र सामुहिक परिचालनलाई प्राथमिकता दिनुपर्ने बताएका छन।

भिजन लुम्बिनी लिमिटेडले शनिबार आयोजना गरेको संक्षीप्त अवलोकन तथा भेटघाटमा बोल्दै उनले सामुहिक लगानीमा ठूला आयोजना अगाडि बढाउन सके धेरै रोजगारी सिर्जनागर्न सक्ने बताए।

नेपाल सम्भावना नै सम्भावनाको देश भए पनि धेरै काम गर्न बाकी रहेको बताउदै उहाले आर्थिक परिवर्तनका लागि नागरिकस्तरबाट नै अभियान चलाउन आग्रह गरे।
भिजन लुम्बिनीले थालेको उर्जा, कृषि, पर्यटन लगायतको लगानीबारे प्रसंशा गर्दै उहाले यसबाट धेरै आर्थिक परिवर्तन ल्याउन सकिने बताए। उद्यमशीलता र स्वरोजगार बढाउन सीप आवश्यक हुनेभन्दै त्यस्तो काममा समेत लाग्न उनले आग्रह गरे।

भिजन लुम्बिनीका अध्यक्ष जगतबहादुर पोखरेलले थोरै लगानीबाट धेरैले फाइदा लिने र रोजगारी बढाउने बनाउन सामुहिक लगानीको अवधारणामा भिजन लुम्बिनी संचालन गरेको बताए। उनले कास्कीको सेतीनदीमा २५ मेघावाट विद्युत निकाल्न पिपिए लगायतका काम सकेको जानाकारी दिए।

पूर्वप्रधानमन्त्रीलाई भिजन लुम्बिनीका परिषद सदस्य शुक्र बस्यालले स्वागत तथा अध्यक्ष पोखरेलले खादा ओडाएर सम्मान गरेका थिए। पूर्व प्रधानमन्त्रीले चौतारी लघुवित्तको समेत अवलोकन भ्रमण गर्नुभएको थियो ।

उहाले महिलाहरुलाई बैंकको पहुचमा जोड्न र उद्यमशील बनाउन लघुवित्तले गरेको कामको प्रशंशा गरेको बैंकका कार्यकारी निर्देशक हरिकृष्ण जोशीले बताए।