पोखरामा पत्रकार दानीमाथि प्रहरी दुव्र्यवहार,सर्वत्र भर्सना

पोखरा । पत्रकार अश्विन दानीलाई शनिबार बिहान प्रहरीले दुव्र्यवहार गरेको छ । पोखरा चिप्लेढुंगाको ट्रेडमल नजिक फेला परेको शंकास्पद वस्तु र आपपासको अवस्थाबारे रिपोर्टिङ गरिरहेका दानीमाथि प्रहरीले दुव्र्यवहार गरेको हो ।

गण्डकन्युज डटकमका संवाददाता दानी अनलाइनको फेसबुक पेजबाट लाइभ गर्दै थिए । पत्रकार हुँ भन्दा भन्दै नियन्त्रणमा लिएर भ्यानमा राख्ने, मोबाइल खोज्ने प्रहरी हर्कतको नेपाल पत्रकार महासंघले निन्दा गरेको छ ।

नेपाल पत्रकार महासंघ कास्की शाखाका अध्यक्ष दिपेन्द्र श्रेष्ठले प्रसविबज्ञप्ति जारी गर्दै समाचार संकलनको क्रममा फिल्ड रिपोर्टिड. गरिरहेका पत्रकारले म गण्डक न्युजबाट भन्दा भन्दै दुर्वयबहार गर्नु र संचार सामाग्रि (मोबाइल सेट) फुटाइनुलाई महासंघले मिडिया माथिको नांगो हस्तक्षेपको रूपमा लिएको बताएका छन्।

‘घटनाको आवश्यक छानबिन गरि दोषी सुरक्षाकर्मी माथि कारबाही गर्न र उचित क्षतिपूर्तिको व्यबश्था मिलाउन महासंघ कास्की माग गर्दछ’ बिज्ञप्तिमा भनिएको छ। ‘साथै पूर्ण प्रेस स्वतन्त्रताको ग्यारेन्टि गर्न र निर्वाधरूपमा समाचार संकलन र सम्प्रेषण गर्ने वाताबरण निर्माणका लागि राज्य, स्थानिय प्रशासन, सुरक्षा निकाय र नागरिक समुदाय सम्पूर्णमा हार्दिक अपिल गर्दछौं।’

यस्तै अनलाइन पत्रकार संघ गण्डकी पनि विज्ञप्ति निकालेर घटनाको निन्दा गरेको छ । विज्ञप्तिमा कास्कीमा पछिल्लो समय अनलाइन सञ्चारकर्मीमाथि सुजियोजित षड्यन्त्र त भएको छैन भन्दै विज्ञप्तिमा बारम्बारको हस्तक्षेत्र बन्द गरी पूर्ण प्रेस स्वतन्त्रताको प्रत्याभूति दिलाउन माग गरिएको छ ।