गुल्मी काङ्ग्रेसले किन गर्यो कार्यपालिका बैठक बहिष्कार ?

सन्तोष महतारा,
गुल्मी । रेसुङ्गा नगरपालिकामा कांग्रेसबाट निर्वाचित जनप्रतिनिधीले जेठ १० गते बहिष्कार गरेको कार्यपालिका बैठकलाई लिएर मंगलबार पत्रकार सम्मेलन गरेका छन् ।

जेठ १० गते गरेको कार्यपालिका बैठक बहिष्कारबारे सामाजिक सञ्जालमा चौतर्फि आलोचना भएपछि बहिष्कार गर्नुका कारण बारे जानकारी दिन मंगलबार पत्रकार सम्मेलन गरिएको हो ।

रेसुङ्गा नगरपालिकाले बैशाख २५ गतेको कार्यपालिका बैठकमा नगरभित्र विभिन्न शिर्षकमा एक करोड १० लाख विनियोजित बजेटमा कार्यपालिमा निर्णय विना नै थप २५ लाख बजेट थपेकोले आफुहरु बैठक बहिष्कार गरेको कार्यापालिका सदस्य देविका कुवँरले जानकारी दिइन्।

नेपाली काङ्गेसका जिल्ला कार्यसमिति सदस्य तथा वडा नम्बर तिनका वडाध्यक्ष थम्मन वहादुर केसीले बजेट विनियोजन प्रति कुनै विरोध नभएर बजेट विनियोजन को विधि र प्रक्रिया खोजेको जानकारी दिइन्।

काङ्गेसबाट निर्वाचित कार्यापालिका सदस्यह?ले बनेट विनियोजन हुनु राम्रो कुरा भएपनि कार्यापालिकामा निर्णय नै नगरी एकलौटी बजेट विनियोजन गरेकाले आपत्ति जनाएका हुन् ।