बुधबार सार्वजनिक विदा

काठमाडौं । सरकारले बुधबार सार्वजनिक विदा दिएको छ । मुस्लिम धर्मावलम्बीहरुको पर्व इद उल फित्रको पर्वको अवसरमा सरकारले बुधबार सार्वजनिक विदा दिएको हो ।

गृह मन्त्रालयले सोमबार विज्ञप्ति जारी गरी बुधबार सार्वजनिक विदा दिने निर्णय गरेको जनाएको छ । गृहको विज्ञप्तिमा मन्त्रिपरिषदको निर्णयअनुसार सो विदा दिइएको उल्लेख छ ।

‘जेठ १० को मन्त्रिपरिषद बैठकको निर्णयअनुसार मुस्लिम धर्मावलम्बीको पर्व ‘इद उल फित्र’का लागि सार्वजनिक विदा दिइएको जानकारीको लागि अनुरोध छ,’ विज्ञप्तिमा भनिएको छ ।