लुटेरा नियन्त्रणमा लिन प्रहरीले चलायो गोली

काठमाडौः प्रहरीले एक जना लुटेरालाई गोली प्रहार गरी नियन्त्रणमा लिएको छ। महानगरीय अपराध महाशाखाको टोलीले काका भनिने छिरिङ तामालाई नियन्त्रणमा लिएको महाशाखाका एसएसपी सहकुल थापाले जानकारी दिए।

प्रहरीले फरार रहेका तामाङलाई नियन्त्रणमा लिन दुई राउन्ड गोली समेत प्रहार गरेको छ। प्रहरीले सोही समुहका अन्य चार जनालाई समेत पक्राउ गरेको छ।

प्रहरीले उनीहरूलाई जोरपाटी क्षेत्रबाट नियन्त्रणमा लिएको हो। घटनाको थप अनुसन्धान भइरहेको एसएसपी थापाले बताए।