कास्कीबाट बिप्लव माओवादीका १८ जना नेता कार्यकर्ता पक्राउ

पोखरा । कास्कीको अन्नपूर्ण गाउँपालिकाबाट प्रहरीले डेढ दर्जन नेत्रविक्रम चन्द (विप्लव) नेतृत्वको नेपाल कम्युनिस्ट पार्टीका नेता कार्यकर्तालाई पक्राउ गरेको छ । शनिबार साँझ ६ बजे बैठक बसिरहेको ठाउँमा घेराहाली प्रहरीले कास्की जिल्ला सेक्रेटरी मिलन राई सहित १८ जनालाई पक्राउ गरेको हो ।

पक्राउ गरेका सवैलाई राती नै जिल्ला प्रहरी कार्यालय कास्कीमा ल्याइएको र अनुसन्धान सुरु गरेको कास्की प्रहरी प्रमुख एसपी दानबहादुर कार्कीले जानकारी दिए ।

अन्नपूर्ण गाउँपालिका ११ मा विप्लब नेतृत्वको नेकपाको विशेष बैठक हुदै छ भन्ने सूचनाका आधारमा कास्की प्रहरीले सिबिल डे«समा प्रहरी परिचालन गरी निगरानी बढाएको थियो । प्रहरी प्राप्तगरेको सूचनामा विप्लबका मध्यपश्चिम क्षेत्रका कमाण्डर सहिता नेताहरु विशेष बैठकमा सम्बोधन गर्न आउने बताइएपनि प्रहरीले निगरानी बढाएको जानकारी पाएपछि सो टोलीले आफ्नो पूर्ववत् कार्यक्रम हजाएको थियो ।

दिउँसो देखि नै नेकपाका कार्यकर्तालाई घेरा बन्दीमा पारेको भएपनि प्रहरीले साँझ मात्रै १८ जनालाई पक्राउ गरेको कास्की प्रहरी प्रमुख एसपी कार्कीले बताए। ‘त्यो क्षेत्रमा यिनीहरुको गतिविधि बढेको हामीले यस अघि नै थाहा पाएका थियौँ,’ उनले भने, ‘गतिविधि बढ्को सूचनाको आधामा लङ गस्ती जिप्रकाबाट पठाइएका हौं।, त्यहि गस्तीको टोलीले उनीहरुलाई घेराबन्दीमा पारेर पक्राउ गर्न सफल भयो।’

विप्लबको टोली स्थानीय आमा समुहको भवनमा बसेर विशेष छलफलको तयारी गरिरहेको समयमा प्रहरीले घेराहालेको थियो ।