मिडिया काउन्सिल विधेयक विरुद्ध संकलित हस्ताक्षर प्रधानमन्त्रीलाई

पोखरा। सरकारले संसदमा पेशगरेको मिडिया काउन्सिल विधेयकको विरोधमा नेपाल पत्रकार महासंघले थालेको तेस्रो चरणको आन्दोलन अन्तर्रगत कास्की शाखाले संकलन गरेको हस्ताक्षर शुक्रबार प्रमुख जिल्ला अधिकारी मार्फत प्रधानमन्त्रीलाई बुझाइएको छ ।

नेपाल पत्रकार महासंघ कास्की शाखाले पोखरामा ३ दिनको अवधिमा संकलन गरिएको हस्ताक्षर कास्कीका प्रमुख जिल्ला अधिकारी चक्रबहादुर बुढा मार्फत प्रधानमन्त्री समक्ष पेश गरिएको छ ।

प्रधानमन्त्रीलाई हस्ताक्षर हस्तान्तरण गर्न आग्रह गर्दे पत्रकार महासंघ केन्द्रीय सदस्य रामकृष्ण ज्ञवाली,गण्डकी प्रदेशका अध्यक्ष त्रिभुवन पौडेल र पत्रकार महासंघ कास्कीका अध्यक्ष दीपेन्द्र श्रेष्ठले संयुक्तरुपमा हस्तान्तरण गरेका छन्।

हस्तान्तरण गर्नु अघि पत्रकार महासंघका केन्द्रीय सदस्य रामकृष्ण ज्ञवालीले मिडिया काउन्सिल विधेयक संसोधन वा फिर्ता नगरिए पत्रकारिता छाडेर अर्को पेशा रोज्नु पर्ने अवस्था आउने बताए। चौथो चरणको आन्दोलन गर्नुपरे गर की मरको अबस्थामा सृजना हुने उनको भनाई थियो ।

संकलित हस्ताक्षर बुझेपछि प्रमुख जिल्ला अधिकारी चक्रबहादुर बुढाले आफुले आजै गृहमन्त्रालयमा पठाउने र गृह मार्फत प्रधानमन्त्रीको जाने जानकारी दिए।महासंघ कास्कीका अध्यक्ष दीपेन्द्र श्रेष्ठले पत्रकारहरु आन्दोलनमा रहेको बताउदै सरकारले काउन्सिल विधेयक संसोधन गर्नुपर्नेमा जोड दिए।

अध्यक्ष श्रेष्ठले पत्रकारहरुको आन्दोलन शान्तिपुर्ण हुने भन्दै चौथो चरणको आन्दोन घोषणा गर्नु अघिनै सरकारले पत्रकार माग सुनुवाई गर्ने विश्वास व्यक्त गरे।
आज देशै भरिका पत्रकार महासंघले प्रमुख जिल्ला अधिकारी मार्फत गृहमन्त्रालय हुदै प्रधानमन्त्रीलाई संकलित हस्ताक्षरण बुझाएका छन्।