करोडौं भ्रष्टाचार गरेको आरोपमा मुद्दा चलाइएका चार पूर्वआइजीपीलाई सफाइ

काठमाडौं : करोडौं रुपैयाँ भ्रष्टाचार गरेको आरोपमा मुद्दा चलाइएका सशस्त्र प्रहरीका चार पूर्वआइजीपीहरूलाई विशेष अदालतले सफाइ दिएको छ।

विशेष अदालतका अध्यक्ष बाबुराम रेग्मी, न्यायाधीश द्वारिकामान जोशी र प्रमोदकुमार श्रेष्ठ वैद्यको संयुक्त इजलासले अख्तियारले जुटाएको कागजले भ्रष्टाचार भएको आधार नदेखिएको बताउँदै उनीहरूलाई सफाइ दिएको हो।

विशेष अदालतका अनुसार अनुसार चार पूर्वआइजीपीहरूसहित २२ जनालाई विशेषले सफाइ दिएको हो। उनीहरूले सशस्त्र प्रहरीको सामान ढुवानी गर्दा नक्कली बिल बनाई करोडौं रुपैयाँ भ्रष्टाचार गरेको अभियोग अख्तियारले लगाएको थियो। चार पूर्वप्रमुखसँगै अन्य अधिकारीहरूले पनि सफाइ पाएका हुन्।

सशस्त्रका पूर्वआइजीपीहरू कोषराज वन्त, शैलेन्द्रकुमार श्रेष्ठ, वासुदेव वली र सनतकुमार बस्नेतसहित २२ जनाविरुद्ध २०७२ सालमा अख्तियारले भ्रष्टाचार मुद्दा चलाएको थियो।