अत्याधुनिक हतियार सहित विप्लवका कार्यकर्ता पक्राउ

प्रहरीले अत्याधुनिक हतियार र गोलीसहित संखुवासभाबाट नेत्रविक्रम चन्द (विप्लव) नेतृत्वको नेकपाका एकजना कार्यकर्तालाई पक्राउ गरेको छ ।

संखुवासभाकै जिल्लास्तरी कार्यकर्ता निमदोर्जे तामाङलाई पक्राउ गरिएको प्रहरीले जनाएको छ । उनको साथबाट एसएलआर एक थान, ११० राउन्ड गोली, एसएलआर र एलएमजीको एक–एक म्यागजिनसमेत बरामद गरिएको छ । हतियारसहित उनको साथबाट पार्टीका दस्तावेज समेत बरामद भएको प्रहरी महानिरीक्षकको सचिवालयका प्रहरी उपरीक्षक (एसपी) रमेश थापाले बताए ।

केही दिनअघि विप्लवका कार्यकर्ता र प्रहरीवीच संखुवासभामा दोहोरो फायरिङ भएको थियो ।