पृथ्वी राजमार्ग बस सञ्चालक कम्पनीको अध्यक्षमा केसी सर्वसम्मत

नेपालकै ठूलो यातायात संस्था पृथ्वी राजमार्ग बस सञ्चालक कम्पनी प्रालिको अध्यक्षमा योगेन्द्र बहादुर केसी सर्वसम्मत चयन भएका छन् ।संस्थाको शुक्रबार पोखरामा सम्पन्न प्रथम साधारणसभा तथा प्रथम अधिवेशनबाट अध्यक्ष पदमा चयन भएका हुन् । उनी यसअघि महासचिवको भूमिका निर्वाह गरेका थिए ।

अध्यक्षमा चयन भएपछि केसीले संस्थालाई अझ राम्रो र सभ्य ढंगले सञ्चालन गर्ने प्रतिवद्धता जनाए ।साथै उनले यातायात क्षेत्रमा देखिएको समस्या समाधानमा पहल गर्ने र व्यवसायीको हरेक पिर मर्कामा साथ दिने प्रतिवद्धता जनाए ।

यसअघि पृथ्वी राजमार्ग बस सञ्चालक समितिको नामबाट सञ्चालित भए पछि केही अघि कम्पनीमा परिणत भएको थियो ।पोखरामा प्रधान कार्यालय रहेको यस संस्था अन्तर्गत करिब १ हजार ६ सय सवारी साधन देशभर तथा भारतमा समेत सञ्चालन हुने गर्दछ ।