५९ हजार घुससहित मालपोतका अधिकृत रंगेहात पक्राउ

अख्तियार दुरुपयो अनुसन्धान आयोग पोखराले ५९ हजार घुससहित मालपोत कार्यालय कास्कीका अधिकृतलाई रंगेहात पक्राउ गरेको छ ।मंगलवार साँझ अख्तियारको टोलिले मालपोत अधिकृत अविनाश कुवँरलाई पोखराको मुस्ताङचोकस्थित एक रेष्टुरेण्टबाट पक्राउ गरेको हो ।

जग्गा पास गर्दा कर घटाईदिने भन्दै उनले सेवाग्राहीसँग घुस मागेको अख्तियारले जनाएको छ ।

‘सेवाग्राहीसँग केही दिनदेखि घुस लिनका कुवँरले आवश्यक कागजपत्र तयार हुँदाहुँदै पनि विभिन्न बहानामा काम रोकिदिएको पाइयो । घुस बिना फाइल अगाडि नबढेपछि सेवाग्राहीले केन्द्रीय कार्यालयमा गरेको उजुरीका आधारमा रंगेहात घुससहित पक्राउ गरेका हौं’ अख्तियार पोखराका सूचना अधिकारी मेघनाथ रिजालले भने, ‘गुनासो पछि अख्तियारको टोली पुग्दा उनी घुस लिदालिदैको अवस्थामा पक्राउ गरेका हौं ।’

रकम लिएलगत्तै अधिकृत कुँवरलाई अख्तियारको टोलीले पक्राउ गरेको हो ।