अख्तियारद्वारा मालपोतका खरिदारसहित दुई जना पक्राउ

अख्तियार दुरुपयोग अनुसन्धान आयोगको टोलिले बिहीवार मालपोत कार्यालय बुटवलका खरिदार सहित दुई जनालाई घूस सहित रंगेहात पक्राउ गरेको छ ।

आयोगको कार्यालय बुटवलबाट गएको टोलिले उक्त कार्यालयका खरिदार जिवनाथ पाण्डे र लेखापढी व्यावसायी कमल पाण्डेलाई जग्गा नामसारी र लालपूर्जा दिने कार्यमा सेवाग्राहीलाई सहजीकरण वापत रू.१ लख २० हजार घूस लिएको अवस्थामा रंगेहात पक्राउ गरेको हो ।

मालपोत कार्यालय अगाडिको लेखापढी सेवाको कार्यालयबाट घूस लिएको अवस्थामा रंगेहात पक्राउ गरेको भन्दै अख्तियारले थप अनुसन्धान भइरहेको बताएको छ ।