पर्वतको जलजलामा करेन्ट लाग्दा मजदुरको मृत्यु

पोखरा । पर्वतमा करेण्ट लागेर एक जना युवाको ज्यान गएको छ । जलजला गाउँपालिका–८ मा रहेको दक्षिणकाली क्रसर उद्योगमा शनिबार करेण्ट लागेर १७ वर्षीय गणेश किसानको मृत्यु भएको छ ।

क्रसर उद्योग भित्रको वालुवाको थुप्रोमा उभिएर मोवाइल फोन गर्दै हिडिरहेका किसानलाई क्रसर उद्योगमा जोडिएको थ्री फेजको तारमा छोइएपछि करेण्ट लागेको जिल्ला प्रहरी कार्यलय पर्वतले जनाएको छ ।

म्याग्दीको बेनी नगरपालिका–२ घर भएका किसान क्रसर उद्योगमा वालुवा लिन आएको ट्याक्टरका सहचालक रहेको प्रहरीले जानकारी दिएको छ । उनको करेण्ट लागेर घटनास्थलमा नै मृत्यु भएको हो । घटनाको वारेमा प्रहरीले थप अनुसन्धान शुरु गरुेको छ ।