सेवाग्राही संग घूस लिएको आरोपमा पक्राउ परेका कास्कीका मालपोत अधिकृतविरुद्ध मुद्दा दायर

मालपोत कार्यालय कास्कीमा कार्यरत मालपोत अधिकृत अविनाश कुँवरविरुद्ध मुद्दा दायर भएको छ ।

जग्गाको रजिष्ट्रेसन पास गर्न नियमानुसार आवश्यक सबै कागजात प्रमाणसहित पेश गर्दा पनि सेवाग्राहीसँग विभिन्न बहाना बनाई घुस माग गरिरहेका बेला अख्तियार दुरूपयोग अनुसन्धान आयोगको कार्यालय पोखराबाट खटिई गएको टोलीले कुँवरलाई सेवाग्राहीसँग ५९ हजार रकम लिँदा लिँदै पक्राउ गरेको थियो ।

अनुसन्धानका क्रममा कुवँरले जग्गाको रजिष्ट्रेसन पारित गरिदिएबापत सेवाग्राहीसँग रिसवत लिएको तथ्य पुष्टि भएकाले उनलाई बिगो ५९ हजार कायम गरी विषेश अदालतमा मुद्दा दायर गरिएको हो ।