जनमुक्ति सेनाका बटालियन कमाण्डर कुँवरमाथि आक्रमण

अत्तरियामा होटल सञ्चालन गर्दै आएका पूर्व जनमुक्ति सेनाका बटालियन कमाण्डर संभव कुँवरमाथि आक्रमण भएको छ । महेन्द्रनगर रोडमा रहेको पोखरा गेष्ट हाउसका सञ्चालक कुँवरमाथि बिहीवार राति होटलभित्रै प्रवेश गरेर आक्रमण भएको हो ।

दुई जना अटो चालकले उनीमाथि आक्रमण गरेको बताइए पनि कुटपिटमा संग्लनको पहिचान हुन सकेको छैन । दुई अटोलाई भने ईलाका प्रहरी कार्यालय मालाखेतीले नियन्त्रणमा लिएको छ । कुँवरमाथि आक्रमण गर्नेको खोजी कार्य भइरहेको ईलाका प्रहरी कार्यालय मालाखेतीले जनाएको छ ।

अत्तरिया उद्योग वाणिज्य संघका अध्यक्ष अशोक देवकोटाका अनुसार कुटपिटबाट घाइते कुँवरलाई उपचारका लागि नेपालगञ्ज लगिएको छ ।