आइएमई जनरल इन्स्योरेन्सबाट दावी वापतको साढे ३१ लाख भुक्तानी

कास्की । आइएमई जनरल इन्स्योरेन्स लिमिटेड पोखराले आगलागी पीडित ब्यवसायीलाई बिमा बापतको रकम भुक्तानी गरेको छ ।

पोखराको न्युरोडस्थित मिनि मार्केट कम्प्लेक्समा गत साउन २८ गते विद्युत सर्ट भइ आगलागी भएको शुभ युनिक होम डेकोरेसनलाई कम्पनीले बिमा बापतको ३१ लाख ५० हजार रुपैयाँ रकम भुक्तानी गरेको हो।

शनिबार पोखरा उद्योग वाणिज्य संघको साधारणसभाका अवसरमा इन्स्योरेन्स कम्पनीका प्रमुख कार्यकारी अधिकृत युगेशभक्त बादे श्रेष्ठले शुभ युनिक होम डेकोरेसनका सञ्चालक लिलाधर ढुंगानालाई उक्त रकमको चेक हस्तान्तरण गरेका हुन् ।

शुभ युनिक होमले बिमा बापत इन्स्योरेन्स कम्पनीलाई वार्षिक ५ हजार ७ सय ७५ रुपैयाँ प्रिमियम भुक्तानी गर्दै आइरहेको थियो । कम्पनीले ब्यवसायीलाई समयमै क्षतिपूर्ति वापतको रकम उपलब्ध गराउन सफल भएको आइएमई जनरल इन्स्योरेन्सका प्रमुख कार्यकारी अधिकृत युगेशभक्त श्रेष्ठले बताए ।

उनले थोरै प्रिमियम बुझाएर बिमा गराउँदा करोडौं रुपैैयाँको जोखिम बहन हुने हुँदा व्यवसायीले ब्यवसायी बिमा गर्न आवस्यक रहेको बताए ।उक्त मार्केटमा ३० वटा पसल र २ वटा कार्यालयमा आगलागी भएको थियो । बिमा नगरेका कारण क्षति भएका अन्य ब्यवसायीहरुले क्षतिपूर्ति पाउन सकेका छैनन् ।