घुस लिएको आरोपमा पक्राउ परेका खरिदारले गरे आत्माहत्या

अख्तियारले भष्ट्रचारको आरोपमा पक्राउ गरेको मालपोत कार्यालय कलंकीका खरिदार रामहरि सुवेदीले आत्महत्या गरेका छन्।

सेवाग्राहीबाट एक हजार घुस लिएको आरोपमा उनलाई अख्तियारले पक्राउ गरेको थियो। उनी अख्तियारको हिसारतमा २२ दिन बसेर १० दिन अघि मात्र हिरासतमुक्त भएका थिए।

उनले डिप्रेसनको औषधि सेवन गरिरहेका थिए र सोमबार बेलुका ज्यान गुमाएका हुन्। खरिदार पदमा कार्यरत सुवेदीले सेवाग्राही कृष्णप्रसाद घिमिरेसँग एक हजार घुस लिएको निष्कर्ष अख्तियारले निकालेको थियो।

उनी विरुद्ध काठमाडौंको विशेष अदालतमा दायर भएको मुद्दामा पनि भ्रष्टाचार निवारण ऐन २०५९ को दफा ३ को उपदफा ३ अनुसार एक हजार बिगो माग दाबी गरिएको थियो।