सभामुख महरामाथि जबर्जस्ती करणीको आरोप

प्रतिनिधिसभाका सभामुख कृष्णबहादुर महरामाथि एक महिलालाई जबर्जस्ती करणी गरेको आरोप लागेको छ। संसदमै काम गर्ने अन्दाजी ३४ वर्षिया महिलाले आफूलाई महराले तिनकुनेस्थित डेरामा आएर जबर्जस्ति करणी गरेको आरोप लगाएकी हुन् ।

महरा मदिराले मातेर आफ्नो डेरा आएको र आफूलाई समेत रक्सी पिलाएर करणी गरेको ती महिलाको आरोप छ। महरा रक्सीको बोतल लिएर आफ्नो डेरामा आएका उनले बताइन् ।

यस्तो गम्भीर आरोप लागेपछि महराले केहिबेरमा विज्ञप्ति निकालेर कुरा प्रष्ट पार्ने तयारी गरेका उनको सचिवालयका डिल्ली मल्लले जानकारी दिए ।