पोखरा – मुग्लिन सडक खण्ड स्तरोन्नतीका लागि एडिबीद्वारा ऋण स्वीकृत

एसियाली विकास बैंक (एडिबीले) मुग्लिन–पोखरा सडक स्तरोन्नती गर्न ऋण सहयोग स्वीकृत गरेको छ। उक्त सडकको स्तरोन्नतीका लागि एडिबीले २२ अर्ब ऋण स्वीकृत गरेको हो।

एडिबीका अनुसार मुग्लिन र पोखरालाई जोड्ने महत्वपूर्ण सडकको स्तरोन्नतीका लागि १९ करोड ५० लाख अमेरिकी डलर (करिब २२ अर्ब रुपैयाँ) ऋण स्वीकृत भएको छ।

भुपरिवेष्टित राष्ट्र नेपालमा ९० प्रतिशत सामान तथा यात्रु सडकको माध्यमबाट ओसारपसार र आवतजावत गर्ने गरेका छन्। यस्तो अवस्थामा नेपालको सडक स्तरीय हुनुपर्छ।

मुग्लिन–पोखरा सडक परियोजना अन्तर्गत पोखरादेखि आबुखैरेनीसम्मको ८१ किलोमटिर सडक ४ लेनमा स्तरोन्नी गरिने छ। उक्त सडकमा दुर्घटनमा रोक्न बार, वार्निङ लाइट सिस्टम समेत जडान गरिनेछ। आबुखैरेनीदेखि मुग्लिनसम्मको ८ किलोमिटर सडकलाई सहायक परियोजनाका रुपमा विस्तार गरिने एडिबीले जनाएको छ।

सो परियोजना ५ वर्ष भित्र सक्ने लक्ष्य लिइएको छ। मुग्लिन पोखरा सडक स्तरोन्नतीका लागि २५४ मिलियन डलर लाग्ने अनुमान गरिएको छ। त्यसमध्ये १९५ मिलियन एडिबीले ऋणी सहयोग गर्ने छ भने नेपाल सरकारले ५९ मिलियन डलर लगानी गर्नेछ।