एमसीसीसँग नेपाल पराजित

नेपाल भ्रमणमा रहेको मेरिलेबोन क्रिकेट क्लब (एमसीसी)ले घरेलु टोलीलाई फराकिलो अन्तरले पराजित गरेको छ। कीर्तिपुरस्थित टियु क्रिकेट मैदानमा शनिबार भएको टी–२० खेलमा एमसीसीले नेपाललाई १ सय १३ रनले पराजित गरेको हो।

एमसीसीले दिएको १ सय ९० रनको लक्ष्य पछ्याएको नेपाल १३ ओभरमा ७६ रनमै अलआउट भयो।यसअघि टस जितेर पहिले ब्याटिङ गरेको एमसीसीले २० ओभरमा ७ विकेट गुमाएर १ सय ८९ रन बनाएको थियो। एमसीसीका लागि विल्ली गोड्लम्यानले ५४ रनको अर्धशतकीय पारी खेले।

यस्तै, एड योङले ४२ रन तथा एलेक्स थमप्सन अभिजित २० रन जोडे।नेपालका राशिद खानले तीन विकेट लिए। यस्तै, कमल सिंह ऐरी, जितेन्द्र मुखिया, अविनास बोहोरा र सुशन भारीले समान एक विकेट चट्काए।

नेपाल भ्रमणमा आएको एमसीसीले यसअघि नेपालसँग एक एकदिवसीय र तीन दिवसीय (फस्ट क्लास) क्रिकेट खेलेको थियो । जसमध्ये तीन दिवसीयमा नेपाल २ सय ८ रनले पराजित हुँदा एकदिवसीयमा ५ विकेटले विजयी भएको थियो।

यस्तै, नेपाली यु–१९ क्रिकेट टिमसँग एमसीसीले ३८ रनको जित निकालेको थियो।