निर्माणाधीन घार्मी सडकको निरीक्षण

निर्माणाधीन अमला विसौंनी घार्मी आलेवारी अम्वरेश्वर ग्रामीण सडकको निरक्षिण गरिएको छ ।पोखरा १९का वडाध्यक्ष शोभामोहन पौडेल सहितको टोलीले निरीक्षण गरेको हो ।

वडा नं. १६ र १९ लाई समेटनेगरी निर्माण गर्न लागिएको १२ किलोमिटर सडक अन्र्तगत हाल ४ किलोमिटर सडक खण्डमा ठेकेदार कम्पनी जिएसआर निर्माण सेवाले सडक काम गरिरहेको बताइएको छ ।

भौतिक योजना तथा पूर्वाधार मन्त्रालय गण्डकी प्रदेश सरकारको आयोजना अन्र्तगत कुल ७ करोड ८२ लाखमा ठेक्का लिएको हो । उपभोक्ता समितिका सचिव डिल्लीराम पौडेलका अनुसार निरीक्षणका क्रममा वडाध्यक्ष पौडेलले सडकका सुपरभाइजर राजु गुरुङसँग निर्माणका विविध पक्षका विषयमा जानकारी लिएको बताइएको छ ।

वडाध्यक्ष पौडेलले सडक गुणस्तरयुक्त हुनुपर्नेमा जोड दिदै, कुनै किसिमको हेलचक्र्याई नगर्न सुझाव दिए । पौडेलले यस सडक निर्माणमा जनताको अधिक पसिना वगेको स्मरण गर्दै छिट्टो काम सम्पन्न गर्न पनि निर्देशन दिए ।

पछिल्लो समय वडाभित्र भैरहेका विकास निर्माणका कामको अनुगमनमा सक्रिय बनेका पौडेलले वस्ती वचाएर सडक निर्माण गर्नु चुनौतीपुर्ण रहेको भएपनि स्थानीयको सहयोगले कठिन काम पनि पुरा भएको बताए ।

निरीक्षण टोलीमा वडाध्यक्ष पौडेल सहित नेकपाका वडा सचिव निर्मल वास्तोला र उपभोक्ता समितिका सचिव डिल्लीराम पौडेल सहभागी थिए । उक्त सडकलाई राष्टिय योजनामा पार्न हाल गण्डकी प्रदेशका सासंद एवं पूर्वमनत्री कुमार खड्काले भूमिका खेलेका थिए ।