एक घण्टा जेल बसेर निस्किएका पत्रकार खेम भण्डारीविरुद्ध अर्को मुद्दा

पत्रकार खेम भण्डारीविरुद्ध जिल्ला अदालत कञ्चनपुरमा मुद्दा दायर गरिएको छ । कञ्चनपुरको भीमदत्त नगरपालिकाका नगरप्रमुख सुरेन्द्र विष्टका भतिजो आयुष विष्टले ‘निर्मला पन्त बलात्कारपछि हत्या प्रकरण’बारे लेखिएका समाचार र राखिएका फेसबुक स्टाटसलाई लिएर भण्डारीविरुद्ध गालीबेइज्जती मुद्दा दर्ता गरेका हुन् ।

भण्डारी सम्पादक रहेको मानसखण्ड दैनिकमा लेखिएका समाचार र सामाजिक सञ्जालमा पोस्ट गरिएका सामग्रीमा आफ्नो चरित्र हत्या भएको विष्टले दिएको निवेदनमा उल्लेख छ ।

निर्मला हत्या प्रकरणमा यसअघि पनि अदालतको अवहेलना मुद्दा खेपेका भण्डारीले १ घण्टा कैद र एक रुपैयाँ जरिवाना भुक्तान गरेका थिए ।