चितवनका तीनवटै वडामा नेकपालाई झड्का, कांग्रेसले मार्‍यो बाजी

सत्तारूढ दल नेकपाका अध्यक्ष पुष्पकमल दाहाल प्रचण्डको गृह जिल्लामा कांग्रेसले बाजी मारेको छ। उपनिर्वाचनमा अन्य जिल्लामा सन्तोषजनक नजिता खैरहनी नगरपालिकाका दुई वटा वडा र भरतपुर महानगरपालिकाको एउटा वडामा नेकपा पराजित भएको हो।

रेणु दाहाल मेयर निर्वाचित भएको भरतपुर महानगरपालिका–१६ मा नेपाली कांग्रेसका उमेदवार
अमृतराज हमाल निर्वाचित हुनुभएको छ भने चितवनकै खैरहनी–५ मा कांग्रेसकै प्रतीमा कार्की निर्वाचित हुनुभएको छ । कार्कीले नेकपाका उमेदवार पुननारायण प्रधानलाई ८६ मतान्तरमा पराजित गर्नुभएको हो।

खैरहनी नगरपालिका–४ नम्बर वडाको उपनिर्वाचनमा पनि नेकपाका बेदबहादुर अधिकारीलाई पराजित गर्दै कांग्रेसकै उमेदवार देवबहादुर बस्नेत विजयी हुनुभको छ। उहाँले १ हजार १३८ मत ल्याउँदा नेकपा उम्मेद्वार अधिकारीको पक्षमा ९८६ मत खसेको थियो।