कास्की–२ मतगणना: प्रारम्भिक परिणाममा विद्याको अग्रता

शनिबार सम्मपन्न उपनिर्वाचन अन्तर्गत प्रतिनिधिसभा सदस्यका लागि भएको कास्की–२ को प्रारम्भिक मतपरिणाम सार्वजनिक भएको छ । जसअनुसार नेकपाकी उम्मेदवार विद्या भट्टराईले अग्रता बनाएकी छन् ।

वडा नम्बर ३३ को मतगणना जारी रहँदा भट्टराईले ३ हजार २७६ मत पाएकी छिन् भने नेपाली कांग्रेसका उम्मेदवार खेमराज पौडेलले २ हजार ११५ मत प्राप्त गरेका छन् ।

समाजवादी पार्टीका धर्मराज गुरुङले ९५, राप्रपाका सोमबहादुर भण्डारीले ४७, साझा पार्टीकी रजनी केसीले ३२ मत पाएकी छिन्। कास्की–२ मा राति पौने २ बजेदेखि मतगणना सुरु गरिएको हो ।