बिद्या बिजयीउत्सब मनाउन कर्मगाउँमा ; ‘भरत पोखरी बासी भन्छन् बिद्यालाई हाम्रो साथ जुनि जुनि लाई’

पोखरा । कास्की क्षेत्र नं २ बाट उपनिर्वाचनमा नेपाल कम्युनिष्टपार्टीका तर्फबाट बिजयी भएपछि सांसद बिद्या भट्टराईसहितको टोली यतिबेला बिजयउत्सव मनाउन जनताको घरआँगनमा पुगेका छन् ।

गत माघमा तत्कालीन संस्कृति तथा पर्यटनमन्त्री रविन्द्र अधिकारी ताप्लेजुङमा भएका हेलीकप्टर दुर्घटनामा परी निधन भएपछि पार्टीले बिद्यालाई उमेदवार बनाएको थियो ।

उनले उपनिर्वाचनमा नेपाली काँग्रेसका तर्फबाट उमेदवार बनेका खेमराज पौडेललाई किरिब नौं हजार मतको अन्तरले पराजित गरी बिजयी भएपछि आफ्नो निर्वाचन क्षेत्रका मतदातालाई धन्यवाद दिन करिब २ हप्तादेखि मतदाताको घरआँगनमा पुगेकी छिन्।

यसैक्रममा मंगलवार बिहान बिद्या स्वर्गिय पति रविन्द्र अधिकारीको जन्मगाउँ पोखरा महानगरपालिका ३३ भरतपोखरी पुग्दा स्थानीयहरु खुसीले गदगद भएका छन् ।

निर्वाचित भएपछि पहिलोपटक बिजयउत्सब सहित धन्यवाद ज्ञापनका लागि कर्मगाउँ पुगेकी बिद्यालाई स्थानीयहरुले निर्वाचन जितेर देश र जनताको सेवामा समर्पित हुने अवसरपाएको भन्दै अंगलोमा बेरेर खुशीसाटासाट गरे ।

‘नानी मन्त्री बन्नु हाम्रो सेवा गर्नु, नियती संग हामी हार्दा तिम्रो आगमनले हर्सित छौँ ।अब कुनै नियत संग तिमी हार्नु नपरोस ।हाम्रो साथ सधै तिमिलाई रहने छ’ अंगालो हाल्दै स्थानीय बृद्ध गंगादेवी अधिकारीले भनीन् । ‘अघि बढ बिद्या हामी तिम्रो साथमा छौँ।’ भरत पोखरी बासी भन्छन् बिद्यालाई हाम्रो साथ जुनि जुनिलाई ।