पर्वत ठुलीपोखरीका युवा अर्जुनको ट्रकको ठक्करवाट मृत्यु

छोरालाई पछाडि बोकेर स्कुल पुर्याउन जाँदै गरेका एक व्यक्तिको सवारीकाे ठक्करबाट ज्यान गएको छ । काठमाडौंका चाबहिल–सुकेधारा खण्डमा बसले एक छात्राको ज्यान लिएको भोलिपल्ट चन्द्रागिरि नगरपालिका-१२, गुर्जुधारामा गाडीको ठक्करबाट एक जनाको ज्यान गएकाे हाे ।

पर्वतको कुश्मा नगरपालिका वडा नं. १२ ठुलीपोखरी स्थित कोल्पाटाका स्थायी घर भई चन्द्रागिरी नगरपालिका–७, थानकोट चेकपोस्ट बस्दै आएका अर्जुन कुमार केसीको मंगलबार बिहान गाडीको ठक्करबाट मृत्यु भएको प्रहरीले जनाएको छ ।

उनी गाउँमा रोहित नामले परिचित रहेका थिए । उनको परिवार लामो समयदेखि काठमाण्डौमा बस्दै आएको थियो । उनका श्रीमती एक छोरा र एक छोरी तथा गाउँमा बाबुआमा रहेका छन् । उनको मृत्युको खबरपछि गाउँ शोकमग्न बनेको छ ।

उनी प्रदेश ३ ०२००९ प ७६२१ को साइन मोटसाइकलमा छोरालाई स्कुल पुर्याउन गएका थिए । मोटरसाइकलमा सवार छोरा घाइते भएका छन् । उनको ओम समाज हस्पिटलमा उपचार भइरहेको छ ।