भ्रमण वर्षमा महेन्द्र गुफा देखि केआई सिंहपुलसम्म सरसफाई

नेपाल भ्रमण वषर््ा २०२० लाई केन्द्रित गरी पर्यटकीय क्षेत्र महेन्द्र गुफा देखि के.आई सिंहपुलसम्म सरसफाई गरिएको छ ।

विन्ध्यवासिनी मा.वि, महेन्द्र गुफा चमेरे गुफा पर्यटकीय विकास समिति र गुफा क्षेत्र संरक्षण तथा सामुदायिक विकास संस्थाको आयोजना तथा वडा कार्यालय पोखरा १६ को समन्वयमा भएको सरसफाई अभियान महेन्द्र गुफावाट शुरु भई चमेरे गुफा, अमलाविसौनी, संगमचोक, मैदान, चण्डीका, दीप, सुन्दर फिड हुदै के.आई सिंहपुलमा पुगेर सम्पन्न भएको थियो ।

वडाभित्रका संघ संस्था र युवाहरुको सक्रियतामा भएको कायृक्रममा संकलित फोहोर व्यवस्थापन गर्नुका साथै जथाभावी फोहोर नफाल्न र उचित व्यवस्थापन गर्न आग्रह गरिएको थियो ।

यस अघि कार्यक्रमको शुभारम्भ गर्नुृहुदै वडाध्यक्ष जीवनप्रसाद आचार्यले पर्यटकलाई गरिने व्यवहारवाटै हाम्रो पहिचान झल्कने वताउँदै यस क्षेत्रलाई पर्यटनमैत्री वनाउनु पर्नेमा जोड दिनुभयो ।

भम्रण वर्षलाई स्वागत गर्न पुस १६ गते विहान महेन्द्र गुफा र चमेरे गुफामा प्रवेश गर्ने पर्यटकलाई स्वागत सहित सम्मान गरिने र त्यसपछि विभिन्न जनजातिको झाँकी सहित सारङ्गी र पञ्चेवाजा वजाएर विभिन्न स्थानमा परिक्रमा गरिने गुफा क्षेत्र संरक्षण तथा सामुदायिक विकास संस्थाका अध्यक्ष गोविन्दवहादुर वस्नेतले वताउनुभयो ।

प्रभातफेरीमा त्यस क्षेत्रमा वसोवास गर्ने विभिन्न समुदायले आ आफ्नो भेषभुषा सहित सांस्कृतिक कार्यक्रम प्रस्तुत गर्ने ,महेन्द्र गुफा र चमेरे गुफामा दिनभर नै सारङ्गी र पञ्चेवाजा वजाएर पर्यटकलाई स्वागत गर्ने तयारी भैरहेको छ ।

उक्त दिन के.आई सिंह पुल देखि नै स्थानियले घर अगाडी फुलको घडा राखी पर्यटकलाई स्वागत गरिने जनाईएको छ ।कार्यक्रमको तयारी स्वरुप अहिले गुफा क्षेत्रमा ध्वजापतका टाँस्ने ,रङ रोगन गरेर सिर्गाने तथा विभिन्न सन्देश लेखिएका फ्लेक्स टाँस्ने कार्य भैरहेको छ ।