कास्कीबाट एसइई परिक्षामा १ सय ६ अनुपस्थित

पोखरा- बिहीबारबाट सुरु भएको माध्यमिक शिक्षा (एसइई) परीक्षामा कास्कीमा १०६ जना विद्यार्थी अनुपस्थित भएका छन्। कुल विद्यार्थी १० हजार ६ सय ५८ जना मध्ये १०६ जना पहिलो दिनको अनिवार्य अंग्रेजीको परीक्षामा सहभागी नभएको कास्कीका जिल्ला शिक्षा अधिकारी नरेन्द्रराज पौडेलले जानकारी दिए। ३१ वटा परीक्षा केन्द्र र १ बाल सुधार केन्द्रमामा सञ्चालन भएको परीक्षामा छात्र ५ हजार तीन सय २८ छात्र र ५ हजार ५५ छात्रा सहभागी भए।

परीक्षामा ५८ जना छात्र र ५८ जना छात्रा अनुपस्थित रहे। एसइई २०७४ मा कास्कीमा ११ जना दृष्टिविहिन, सुस्त श्रवण भएका ६ जना परीक्षामा सहभागी भए। त्यसैगरी प्राविधिकतर्फ ११५, संस्कृततर्फ ८ र गुरुकुल वेद विद्याश्रमका १६ जना परीक्षामा सहभागी भएको र पहिलो दिनको परीक्षा शान्तिपूर्ण रुपमा सम्पन्न भएको शिक्षा अधिकारी पौडेलले जानकारी दिए।