पोखरा महानगरका वडाहरुमा सडक पूर्वाधार निर्माण भएपछि जनजीवन सहज बन्दै

कृष्ण अन्जान ज्ञवाली
स्थानिय निकायको निर्वाचन पश्चात विकास निर्माणका कामहरु जोडतोडले भइरहेकाछन।अधिकांश स्थानिय निकायहरुको प्राथमिकतामा परेको भौतिक पुर्वाधारमा सडक निर्माण परेको छ ।

यो पोखारा महानगरपालिकाको वडा न. २० भलाम क्षेत्र हो । पोखरा महानगरपालिकामा पछिल्लो पटक गाभिएको साविक भलाम गाउं विकास समिती र मौजा गाउं विकास समिती पोखरा महानगरपलिका वडा नं २० को रुपमा स्थापित भएको छ ।

पोखरा संग नजिक भएर पनि दुर्गम जस्तो देखिने यो वडामा स्थानिय निकायको निर्वाचन पछि सडक निर्माणलाइ प्राथमिकतामा राखिएको वडा न २० का वडाध्यक्ष सिम गुरुंगको भनाइ छ ।

पुर्वाधारको विकासले पछि परेको यो वडामा स्थानिय निकायको निर्वाचन पछि सडक निर्माणको कार्य धमाधम भइरहेको छ ।मुख्य रुपमा पोखरा शहर संग जोडने र वडा नं २०लाइ अन्य स्थानिय निकाय तथा पर्यटकिय केन्द्र संग जोडने गरि सडक हरु निर्माण भइरहेका पोखरा २० का प्राविधीक महेन्द्र भट्टराइले जानकारी दिए ।

पोखरा महानगर पालिकाका ३३ वटा वडाहरु मध्ये यस वडा नं २० उत्तरी क्षेत्रमा रहेको विकट र भौतिक पुर्वाधारले अत्यन्तै पछि परेको वडा हो ।

निश्चय पनि यो वडाका बासिन्दाले अहिले सम्म पोखरा महानगर पालिकाका वासिन्दा हौं भन्ने अनुभव गर्न पाएका छैेनन यो यथार्थ हो र शहर सम्मको पंहुचका लागि सडक पुर्वाधार पहिलो हुन सक्छ भन्ने यहांका जनप्रतिनीधीले राम्ररी वुझेको र साहि अनुसार काम अगाडी वढेको वडाध्यक्ष गुरुंगले वताए ।

भलाम तथा मौजा जोडिएको यो क्षेत्र पर्यटकिय हिसावले पनि परिचीत छ भने मौजा क्षेत्रमा व्यवसायिक वाखा्र पालनको पकेट क्षेत्र वन्न सक्ने हुनाले पनि समृद्ध वडा वनाउनका लागि यो क्षेत्र सम्म सडक को पहुंच पुर्याएर त्यस क्षेत्रको पर्यटन तथा पशुपालनलाइ शहर सम्म पुर्याउन सजिलो हुने भएकाले पनि सडक प्राथमिकतामा परेको हो ।

पोखरा महानगपालिका को विकटलाइ निकट वनाउने गरि शुरु गरिएको यो सडक निर्माण अभियानले महानगरको समानुपातिक विकासको अवधारणालाइ सार्थक वनाउने देखिएको छ ।