फ्रान्सबाट आएकी नेपाली युवतीमा कोरोना भेटियाे

फ्रान्सबाट आएका एक जना नेपाली महिलामा कोरोना भाइरसको संक्रमण देखिएको छ।

स्वास्थ्यमन्त्री भानुभक्त ढकालले पत्रकार सम्मेलन गरि कोरोना भाइरसको संक्रमणको अवस्थाबारे जानकारी दिएका छन्। उनले एक जनामा संक्रमण देखिएको बताएका छन्। उनी चैत ४ गते फ्रान्सबाट आएकाे जनाएकाे छ।

शंका लागेपछि अस्पताल भर्ना भएकी उनलाई आइतबार संक्रमण भएको पुष्टि भएको हो। सोमबार जनस्वास्थ्य प्रयोगशाला टेकुमा परीक्षण गर्दा कोरोना भाइरस संक्रमण भएको पुष्टि भएको स्वास्थ्यमन्त्री ढकालले बताए।

उनकाे शुक्रराज ट्रपिकल तथा सरुवा रोग अस्पताल, टेकुमा उपचार भइरहेको छ। उनको सम्पर्कमा आएका व्यक्तिलाई निगरानीमा राखिएको मन्त्री ढकालले बताए।