पोखरा वडानं ४ मा स्वस्फुर्त राहत उपलब्ध गराउनेको संख्या बढ्दै

पोखरा महानगरपालिका वडा नं ४ मा ठुलो संख्यमा राहत संकलन भएको छ। वडाअध्यक्ष शंकर प्रसाद बास्तोलाको आग्रहमा विभिन्न ब्याक्ति र संघसंस्थाले स्वस्फुर्त रुपमा राहत उपलब्ध गराएका हुन्।

स्वस्फुर्त रुपमा सहयोग गर्ने विभिन्न ब्याक्ति र संघसंस्था लगायतका दाताहरुको वडाले नाम सार्वजनिक गरिएको छ ।

पोखरा महानगरपालिका कार्यालयबाट पुरा प्याकेज र आधा प्याकेज गरि रु ८ लाख ७१ हजार बराबरको राहत बाहेक अन्य संघसंस्था, व्यवसायिक प्रतिष्ठान र व्यक्तिमार्फत उपलब्ध भएको राहत प्याकेज सार्वजनिक गरिएको हो ।

पोखरा महानगरपालिका वडा नं ४ ले वितरण गरेको राहतमा मुनाल स्टोर्स चिप्लेढुङगाबाट जिरा मसिना चामल ५ बोरा, नुन ३५ पोका, सावुन लाइफ ब्वाइ ३० वटा गरि रु १० हजार ५ सय बराबरको राहत प्राप्त भएको वडाध्यक्ष शंकर बास्तोलाले जानकारी गराए ।

उनका अनुसार विनायक फ्रेस हाउस(प्रविन पालिखे) बाट जिरा मिसना चामल ५ बोरा, नुन २० पोका, दाल १ बोरा गरि रु १२ हजार ५ सय बराबरको, भागीरथ स्टोर्स चिप्लेढुङ्गाबाट जिरा मसिना १ बोरा, सोनम जिरा मसिना चामल १ बोरा, नुन २० पोका गरि रु.४ हजार ५ सय ५० बराबरको, गोपालजी स्टोर्स (रामृकष्ण टोल) बाट चामल ३ बोरा, दाल २५ केजी, केराउ २५ केजी, नुन २५ पोका, तेल १२.५ लिटर गरि रु.११ हजार ५० बराबरको राहत उपलब्ध भएको छ ।

यस्तै, देविप्रसाद पराजुली चिप्लेढुंगाबाट रु.४ हजार ९ सय ४५ बराबरको सन फ्लावर तेल, बसन्तप्रसाद पराजुली (प्रा. पृथ्वीनारायण क्याम्पस) चिप्लेढुङ्गाबाट ७ जनालाइ रु. ७ हजार बराबरको आधा प्याकेज, पोखरा—४ निवासी गोप्यदानदातामार्फत ५० जनालाइ रु ५० हजार बराबरको आधा प्याकेज, मानकाजी माकाजु र उनको परिवार महेन्द्रपुलमार्फत ५० जनालाइ रु ५० हजार बराबरको आधा प्याकेज, भूविन शेरचन मुस्ताङचोक हाल बाल्टीमोर युएसए मार्फत ५० जनालाइ रु ५० हजार बराबरको आधा प्याकेज र लायन्स अफ समृद्धिबाट १२ जनालाइ रु १२ हजार बराबरको आधा प्याकेज राहत प्राप्त भएको वडाध्यक्ष बास्तोलाले बताए ।

वडाअध्यक्ष बास्तोलाले वडामा भएका अति विपन्न, विपन्न, अशक्त, ज्येष्ठ नागरिक, एकल महिलालाइ विशेष प्राथामिकता दिइ राहत उपलब्ध गराउने जानकारी गराएका छन् ।

राहतका लागि वडाध्यक्ष, राहत वितरण कार्यक्रमका संयोजक, वडा सचिव, वडा सदस्यहरुलाइ सम्पर्क गर्न सकिने छ ।